Қазақстан мен Иран Президенттері сауда-экономикалық ынтымақтастықты кеңейту мәселесін талқыға салды
11 Мамыр, 2015 11:36
Елбасы Иран Президенті Хасан Руханимен телефон арқылы сөйлесті, деп хабарлайды Ақорданың баспасөз қызметі.
Х.Рухани Мемлекет басшысын президент сайлауындағы жеңісімен және қызметіне кірісуіне байланысты құттықтады.
Әңгімелесу барысында екі мемлекет көшбасшылары Қазақстан-Иран серіктестігінің басымдығы бар бағыттарын талқылады. Тараптар халықаралық ұйымдар аясындағы саяси диалог пен жемісті өзара іс-қимылдың жоғары деңгейін атап өтті.
Бұдан бөлек, сауда-экономикалық және инвестициялық ынтымақтастық аясын одан әрі кеңейту мәселелері жөнінде пікір алмасылды.
Иран Президенті елдеріміздің арасындағы сан ғасырлық достық пен өзара тиімді ынтымақтастыққа негізделген қарым-қатынас алда да Қазақстан мен Иранның достас халықтарының мүддесіне игі қызмет ете беретініне сенім білдірді.
