ҰОС ардагері: Менің отбасым – менің тірегім әрі мақтанышым

9 Мамыр, 2015 12:13

Менің отбасым – менің тірегім әрі мақтанышым, деді Ұлы Отан соғысының ардагері Әбдірахман Дәуітбаев.

Әбдірахман Дәуітбаев соғысқа аттанғанда 18-ге де толмаған өрімдей жас еді. Ардагер майданған Семей қаласынан аттанды.

«Мен 1944 жылы соғыстым. Балтық жағалауы, Беларусь, Украина операцияларына қатыстым. Варшава, Молдавия, Беларусь, Венгрия және Чехословакияны азат еттім»,-дейді ардагер.

Әбдірахман Бектайұлы соғыс алаңында бірнеше жарақат алған.

«Мен Польшаның Белосток қаласында қолымнан, қарнымнан және басымнан жарақат алдым. Жарықшақтарды әлі күнге дейін алып жүрмін. Далалық ауруханада да жаттым. Соғыстан 1946 жылдың ақпан айында оралдым»,-дейді өзінің өмір жолымен бөліскен Ә.Дәуітбаев.

Мамандығы бойынша ардагер барлаушы-геолог. Бейбіт өмірде Қазақстанның барлық облыстарының жерін зерттеген.

«Қазір Алматыда тұрамын. Жан жарым Ғайни Жәркенқызымен 2 бала мен 4 немере көрдік. Олар менің тірегім де мақтанышым»,-деді ақсақал.

Анар Тәңірқұлова