Талдықорғанда ҰОС ардагерінің құрметіне ескерткіш тақты орнатылды

11 Мамыр, 2015 11:07

Жеңістің 70 жылдығының құрметіне Талдықорғанда запастағы генерал-майор, Ұлы Отан соғысының ардагері, милитарист Жапонияға қарсы іс-қимылдарына қатысушы, ҚР ІІМ еңбегі сіңген қызметкері, Алматы облысының Құрметті азаматы Әбдіқадыр Болсамбеков тұрған үйдің қабырғасына мемориалды тақта орнатылды, деп хабарлайды облыс әкімдігі.

Әбдіқадыр Болсамбеков Талдықорған облысының Бөрлітөбе ауданының Көк-Жиде ауылында туылды. Интернатта тәрбиеленген ол 1942 жылдың 8-наурызында майданға аттанады. Саратовта жеделдетілген оқыту курсынан өткен соң, қызметін Ульяновскіде қатардағы жауынгерден бастайды. СМЕРШ барлаушыларға қарсы күрес қызметіне ауыстырылып, онда бөлім командирі болады. Ол сонымен қатар Волга мен Калинин майдандарында шайқасқан.

Жапониямен соғыста ол СМЕРШ барлаушыларға қарсы күрес қызметінің командирі болады. Солтүстік Қытайда жапондықтардан Порт-Артур мен Дальний порттарын қайтарып алған. Соғыстан 1947 жылы оралды. Партиялық есепке тұрған соң Сарқанд ауданының учаскелік милиция қызметкері болады. Одан әрі аға жедел уәкіл, содан соң Текелі аудандық ішкі істер бөлімінің бастығы лауазымына дейін өседі.

Одан әрі іскери қала Степногорскіге барады. Ол уақытта батыр Мәскеуде ІІМ жоғары мектебін бітірген. Одан қайтып Талдықорған қаласына келіп, генерал-майор атағын алады. Әбдіқадыр Болсамбеков Ішкі істер органы қызметкерлерінің ардагерлер кеңесінің құрамында, облыстық ардагерлер кеңесінде, «Совет генералов» республикалық қоғамдық бірлестігінің мүшесі болған.

Барлық жаңалықтар