Талдықорғанда Жетісу милициясының қалыптасу тарихына арналған музей ашылды (ФОТО)
8 Мамыр, 2015 19:39
Талдықорғанда Жеңіс күнінің қарсаңында Алматы облыстық Ішкі істер департаментінің тарихи музейінің ашылу салтанаты өтті, деп хабарлайды облыс әкімдігі.
«Жаңа музейде полиция қызметкерлерінің күшімен жиналған сирек кездесетін құжаттар мен заттар қойылған. Музейдің қорында 1000-нан астам тарихи экспонаттар бар. Музейдің экспозициясы Жетісу милициясының қалыптасу тарихына арналған. Онда түрлі замандардан көрініс, соның ішінде Ұлы Отан соғысындағы жылдар да бар»,-делінген хабарламада.
Естеріңізге сала кетейік, Алматы облыстық Ішкі істер департаментінің музейі 2007 жылы ашылды, ал бүгін ол жаңарған, күйінде қайта дүниеге келді десе болады. Музейдің жалпы көлемі кеңейіп, күрделі жөндеу жұмыстары жүргізіліп, қоры жаңа жәдігерлермен толықты.
