• Басты
  • СҚО әкімі ҚР Президентінің атынан ардагер Павел Барильченкоға «Құрмет» орденін табыс етті

СҚО әкімі ҚР Президентінің атынан ардагер Павел Барильченкоға «Құрмет» орденін табыс етті

8 Мамыр, 2015 17:36
Жеңіс күні мерекесінің 70 жылдығының қарсаңында Солтүстік Қазақстан облысының әкімі Ерік Сұлтанов ҚР Президенті Нұрсұлтан Назарбаевтың атынан Ұлы Отан соғысының ардагері Павел Барильченкоға «Құрмет» орденін табыс етті, деп хабарлайды аймақ әкімдігі.

«Павел Яковлевич, мен сізге сәттілік пен мықты денсаулық, ұзақ ғұмыр тілеймін. Келесі жылы біз сіздің 100 жылдығыңызды атап өтетініме сенімдімін»,-деді аймақ басшысы.

Биылғы жылы майор Барильченко 99 жасқа толады. Егде тартқандығына қарамастан, ол әлі де болса сергек әрі тың. «Жас кезімде 100 метр қашықтықты 12 секундта жүрігуші едім, өмір бойы спортпен айналыстым. Күнде серуендеймін, қазір әрине тек таң ата ғана жүріп қайтамын. Денсаулық сыр бере бастады, аяғым шаршап кетеді, сонда да қоймай жаяу жүремін»,-дейді ардагер.

Павел Барильченко 20 жылдан астам №21 Петропавл орта мектебінің директоры болды. Бүгінде ол өзі басқарған мектептің оқушылары қалалық, облыстық және республикалық олимпиадаларда жеңімпаз атанғанын ереше бір қуанышпен қабылдайды. «Менің мектеп түлектерімен, оқушылармен, ұстаздармен кездесу үшін шақырады. Мен жастар алдына шығып та сөйлеймін»,-дейді Павел Яковлевич.      

Соғыс уақытын ардагер көзіне жас ала отырып еске алады, ондағы жолдастары мен Жеңіс күні есіне түскенде көңілі жадырап сала береді. Павел Барильченко Орталық және Беларусь майдандарында 2-ші әуе әскерінің құрамында соғысқан. Көптеген әскери марапаттардың иегері.  

 

 

Барлық жаңалықтар