Қазақстанда 2009-2015 жылдар аралығында электр энергетикасына инвестиция көлемі бес есе артты

8 Мамыр, 2015 12:38

Соңғы бес жылда «Тарифті инвестицияға айырбастау» бағдарламасы аясында, яғни 2009-2015 жылдар аралығында электр энергетикаға деген инвестиция көлемі бес есе артты, деп хабарлады ҚР Энергетика министрлігінің электр энергетика департаментінің директоры Бауыржан Сәрсенов ОКҚ-дағы баспасөз конференциясында.

«Соңғы бес жылда, яғни 2009-2015 жылдар аралығында жүзеге асырылған «Тарифті инвестицияға айырбастау» шекті тарифтер бағдарламасы аясында инвестиция көлемі 5 есе артты, ол шамамен 700 млрд теңге. Осы ретте қолданыста бар 5мың мВт қуаттылық жаңғыртылып, қосымша 1700 мВт электр қуаттылығы іске қосылды», - деді Б.Сәрсенов.

Оның айтуынша, қолданыстағы қуаттылықпен біз экономиканың бар қажеттілігін және халықтың қажеттілігін қамтамасыз етеміз.

«Шекті тарифтер үстіміздегі жылы аяқталады, Қазақстанда қосымша электреэнергияның 3300 мВт қуаттылығы іске қосылады. Бұл тек жаңғырту ғана емес, сонымен қатар экологиялық мәселелер болып табылады. Мысалы, біздің электрстанцияларымызда заманауи электрфильтрлер орнатылуда, олар қатты қалдықтардың атмосфераға шығарылуын 99%-ға дейін қысқартады», - деп толықтырды ол.

Ботагөз Айтжанова

Барлық жаңалықтар