Астанада «Ми-26» заманауи тікұшағы таныстырылады

«Астана қаласы әуежайында Новосібірден Астанаға қонбай бірден ұшып келген Ми-26 тікұшағының таныстырылуы өтеді. Екі «Ми-26» көлік тікұшағын «Тікұшақ қызмет компаниясы» ААҚ ҚР ТЖМ-нің тапсырмасымен қайта жаңартып және модернизациялады», - делінген хабарламада.

Таныстырылымға ҚР Премьер-министрінің бірінші орынбасары Б.Сағынтаев, ҚР Төтенше жағдайлар министрі В.Божко, екі орталық мемлекеттік орган басшылары мен ҚР ТЖМ аймақтық және ведомствоішілік бөлімшелері қатысады.

Естеріңізге сала кетейік, «Ми-26» ондаған әлемдік рекордтар мен ерекше тапсырмаларды орындаған әлемдегі ең ірі көлік тікұшақтарының бірі болып табылады. Тікұшақ ірі габаритті жүктерді тасымалдау мен 20 тоннаға дейінгі техниканы тасымалдауға арналған. Тікұшақ ТЖМ-нің десантты құтқарушылары және іздеу-құтқару операцияларын орындау үшін қолданылуы мүмкін.