Ұлы Отан соғысындағы жауынгерлердің ерлігі ақталды-ардагер

«Ұлы Жеңіс мақтаныш сезімін тудырады, сол кездегі Кеңестік Әскердің жауынгерлерінің ерлігі еш кеткен жоқ», - деді сөз басында ардагер.

Сонымен қатар, А. Ястребов Астанада өткен шеруден алған әсерімен бөлісіп, барша қазақстандықтарды Ұлы Жеңіс күнімен құттықтады.

«Мен жыл сайын әскери шеруді тамашалаймын, жыл өткен сайын әскери техниканың дамып келе жатқаны, жауынгерлердің ержүрек екендігі көзге ұрып тұрады. Мен барлық Қазақстан халқына бақыт, табыс, денсаулық тілеймін, барлық қазақстандықтардың, астаналықтардың әл-аухаты арта берсін», - деп жылы лебізін білдірді ардагер.

Алексей Максимович Ястребов майданға Новосибирск облысынан 1943 жылы 17 жасында аттанған. Ленинград және Балтық жағалауы майдандарында шайқасқан.  Ол Рижск бағыттағы әскери ұрыста ауыр жарақаттанады.

 Ал, соғыстан кейін техникумды тәмәмдап, сүт зауытында шебер болып жұмыс істей бастайды. Содан кейін технолог, басқарушы болып қызмет істейді. Зейнетке шыққаннан кейін Алексей Максимович Ақмола облысының қоғамдық өміріне белсенді араласады. Оның үстіне,  Алексей Ястребов  өзінің естеліктері туралы «Борыш үшін» кітабын басып шығарады.