Өрт сөндіру-құтқару спорты бойынша IХ Әлем чемпионатында Қазақстан 5 орынды иеленді

12 Қазан, 2013 09:52

Қазақстанның құрама командасы өрт сөндіру-құтқару спорты бойынша Әлем чемпионатында 5 орын алды, деп Төтенше жағдайлар министрлігінің баспасөз қызметі хабарлады.

«Халықаралық спорт федерациясы мен Корей өрт сөндіру-құтқару федерациясының шақыруы бойынша Қазақстанның ұлттық құрама командасы 2013 жылдың 1-6 қазан аралағында Корей елінің Чинджу қаласында өткен өрт сөндіру-құтқару спорты бойынша Әлем чемпионатында 5 орынды иеленді», - деп ведомствоның хабарламасында нақтыланған.

Чемпионатта Беларусь, Монғолия, Ресей, Түркия, Эстония, Чехия, Өзбекстан, Корея, Қазақстан елінен 10 команда қатысты.

Айта кетейік, Қазақстан өрт сөндіру-құтқару спорты бойынша әйелдер командасын ұсынған тұңғыш ел. ТЖМ қызметкерлері баспалдақпен көтерілу түріне қатысты.

Салтанатты марапаттау шарасында Төтенше жағдайлар Вице-министрі Ж. Смайыловқа Өрт сөндірушілер мен құтқарушылардың халықаралық федерациясының туы табысталды.

Айта кетейік, Өрт сөндіру-құтқару спорты бойынша келесі Әлем чемпионаты Алматы қаласында өтеді.