Қазақстан қайта өңдеу өнеркәсібі саласындағы өсім бойынша, КО елдерінің арасында көш бастап тұр

8 Мамыр, 2015 11:09

Индустриялық-инновациялық даму мемлекеттік даму бағдарламасын жүзеге асыру аясында Қазақстан қайта өңдеу өнеркәсібі саласы бойынша өсім жағынан Кедендік Одаққа мүше елдердің арасында көш бастап келеді. Бұл туралы Strategy2050.kz ақпарат агенттігінің тілшісіне берген эксклюзивті сұхбатында «Қазақстандық индустрияны дамыту институты» акционерлік қоғамының өкілдері мәлім етті.

«2011 жылдан бастап, қайта өңдеу өнеркәсібі өсім жағынан тау-кен өнеркәсібінің алдына шықты. Мұнай өндіру саласының белсенді дами бастаған кезінен бастап алғаш рет, қайта өңдеу өнеркәсібі алға жылжыды. Қазіргі таңда Қазақстан Кедендік Одаққа мүше елдер арасында қайта өңдеу өнеркәсібі саласының нақты өсімі бойынша алда келеді»,-делінген хабарламада.

Ведомство өкілдерінің хабарлауынша, мұнайға деген бағаның екі есеге құлдырауына қарамастан, қайта өңдеу өнеркәсібінің арқасында, қайта өңдеу өнеркәсібінің одан да тұрақты секторларының есебінен 2014 жылы өнеркәсіп саласының нақты өсімін сақтап қалуға мүмкіндік туды.

Айта кететін мәселе, ҮИИДМБ 5 жылғы жүзеге асырылу барысында қайта өңдеу саласына тартылған тікелей шетелдік инвестициялардың көлемі алдындағы жылдармен салыстырғанда, 2,9 есеге көп болды.

«Осы жылдар ішінде Global 2000 тобының арасынан 29 инвестор тартылып, олар өз кезегінде құны 2,5 миллиард доллар болатын 46 жобаны іске қосты»,-делінген хабарламада.

Индира Кауметова

Барлық жаңалықтар