• Басты
  • ҚР ІІМ ТЖ Комитетінің 128 қызметкері Отан қорғаушылар күніне орай наградаларға ие болды
8 Мамыр, 2015 11:24

ҚР ІІМ ТЖ Комитетінің 128 қызметкері Отан қорғаушылар күніне орай наградаларға ие болды

Отан қорғаушылар күніне және Жеңістің 70 жылдығы қарсаңында Қазақстан Республикасы ІІМ Төтенше жағдайлар комитетінде салтанатты жиналыс өтті. Батырлық пен ерлікті және Отанына деген махаббатты құрмет тұтатын бұл екі мереке бірінен соң бірі аталып өтеді, деп хабарлады ҚР ІІМ ТЖК.
ҚР ІІМ ТЖ Комитетінің 128 қызметкері Отан қорғаушылар күніне орай наградаларға ие болды

«Осы мерекелі күндері біз отанымыздың бостандығы мен тәуелсіздігі үшін күрескен барлық ардагерлер мен тыл еңбеккерлерін, сондай-ақ еліміздің қауіпсіздігін нығайтуға жанқиярлық еңбектерімен үлестерін қосып жүрген Комитеттің қызметкерлерін құрмет тұтамыз. ТЖ комитетінің құтқару күштері: өртке қарсы, жедел-құтқару, авиациялық, суда құтқару, медициналық қызметтерін біріктіретін 20 мыңнан астам корпусы күн сайын азаматтарымыздың қауіпсіздігін қамтамасыз етеді», -деп атап өтті ТЖ Комитеті төрағасының орынбасары Серік Әубәкіров.

Қызметтік міндеттерін адал атқарғаны үшін, азаматтық қорғаудың мемлекеттік жүйесін дамыту және жетілдіруге үлесін қосқаны үшін және Қазақстан халқының бірлігі күнін, Отан қорғаушылар күні мен Жеңіс күнін мерекелеуге байланысты Комитеттің 128 қызметкері ведомстволық наградаларымен марапатталды.

Бұл күні Комитет қызметкерлері Ұлы Отан соғысының ардагерлерінің мерекелік концертке баруын ұйымдастырды. 16 соғыс ардагерін «Қазақстан» орталық концерт залына шығарып салды.

Уақыт өте келе Ұлы Отан соғысы ардагерлерінің ерліктері ұмытылып қоймайды, Жеңістің ұлы жетістіктері ретінде бағаланады, ерлік пен батылдықтың үлгісі болады.Бүгінгі күнде Ұлы Отан соғысының 153 ардагері азаматтық қорғау органдарының ардагерлері болып табылады, оның ішінде 26-ы жауынгерлік іс-қимыл қатысушысы және 127-і тыл еңбеккерлері.

Ұлы отан соғысының 26 қатысушысы жауынгерлік жолды ғана өтіп қана қоймай, соғыстан кейінгі ауыртпашылықты да көріп, өз өмірлерін азаматтық қорғау жүйесіндегі қызметке арнады.

 

Барлық жаңалықтар