Көкшетауда Кеңес Одағының Батыры Мәлік Ғабдуллиннің ескерткіші ашылды (Фото)

8 Мамыр, 2015 20:21

Көкшетау қаласында Ұлы Жеңістің 70-жылдығы мерейтойы қарсаңында қалалық саябақта Кеңес Одағының Батыры, академик, жазушы, қоғам қайраткері Мәлік Ғабдуллиннің 100 жылдығына орайластырылған ескерткіштің салтанатты ашылу рәсімі болып өтті, деп хабарлады облыс әкімдігі.

Атап өту керек, сәулет қондырғысының биіктігі 3,5 метр. Жоба авторы Қазақстанға белгілі сәулетші Тоқтар Ермеков.

Ескерткіштің ашылу салтанатында Ақмола облысының әкімі С.В Кулагин мен батырдың немересі М.А.Батпеновалар құттықтау сөз сөйледі.

«Біздің облысымызда ұлы адамдар мен қоғам қайраткерлерінің еңбегін атап өту дәстүрі бар. Осындай азаматтар тобына Мәләк Ғабдуллин де жатады. Мәлік Ғабдуллиннің есімі біздің республикамыздың және облысымыздың тарихына алтын әріптермен қашалып жазылған. Еліміздің көптеген қалаларында көше атаулары, мектептерге оның есімі беріліп, ескерткіштер қойылған. Ол өмір сүріп, еңбек еткен үйлерге мемориалдық тақталар орнатылған, - деді С.Кулагин.

Естеріңізде болса 1995 жылы Көкшетау қаласында Елбасымыз Нұрсұлтан Назарбаевтың қатысуымен еліміздегі жалғыз М.Ғабдуллин мұражайының ашылу рәсімі өткен болатын.

«Міне бүгін Ұлы Отан Соғысындағы Жеңістің 70 жылдығы мерейтойы қарсаңында жерлесімізге арнап ескерткіш ашудамыз. Барлық ақмолалықтарды және батырдың ұрпақтарын осы айтулы шарамен құттықтап, мықты денсаулық, бақыт, сәттілік және барлық игі тілектерді тілеймін...»,- деді өзінің ашу сөзінде өңір басшысы.

Барлық жаңалықтар