АзТМЭӘК штаб-пәтерінде Жеңістің 70 жылдығын атап өтті

8 Мамыр, 2015 10:08

БҰҰ Азия мен Тынық мұхитқа арналған Экономикалық және әлеуметтік комиссиясының (АзТМЭӘК) Бангкок қаласындағы штаб-пәтерінде Екінші дүниежүзі соғысының аяқталуы мен Біріккен Ұлттар Ұйымының құрылғанының 70 жылдығына орай салтанатты рәсім өтті, деп хабарлады ҚР СІМ.

Іс-шараға дипломатиялық корпус, Азия мен Тынық мұхиты елдері, халықаралық және аймақтық ұйымдардың жоғары өкілдері қатысты.

Рәсімді БҰҰ Бас хатшысының орынбасары – АзТМЭӘК Атқарушы хатшысы Шамшад Ахтар ашты. Қазақстан Республикасының Таиланд Корольдігіндегі Елшісі – ҚР-дың АзТМЭӘК жанындағы Тұрақты өкілі Марат Есенбаев және Ресей Федерациясының Таиланд Корольдігіндегі Елшісі – РФ-тің АзТМЭӘК жанындағы Тұрақты өкілі Кирилл Барский құттықтау сөздерін сөйледі.

Қазақстандық дипломат дүниежүзі тарихындағы фашизм бұғауынан азат еткен Жеңістің 70 жылдық мерейтойы мен БҰҰ сияқты бірегей және баламасыз ұйымның құрылуы маңыздылығын атап өтті. Жартысынан көбі шайқас майданынан оралмаған 1 миллион 200 мың қазақстандықтардың ұлы үлесі атап өтілді.

Елші М. Есенбаев жинал жамағатқа Қазақстан Президенті Нұрсұлтан Назарбаевтың тапсырмасымен бүкіл елде Екінші Дүниежүзі соғысы ардагерлерін қолдау мен құттықтау Жалпы ұлттық акциясы өтіп жатқаны туралы хабардар етті. Сонымен қатар, ол ардагерлерге ерлік көрсеткендері үшін алғысын білдіріп, жауынгер-жеңімпаздар туралы тарихи зердені құнттап сақтауға шақырды.

Іс-шара барысында Жеңіс күніне арналған фотокөрмесі өтіп, би және музыкалық ұжымдар өнер көрсетті.