ҚР Президенті: Кеңес Одағының батыры И.В.Панфиловқа арналған ескерткiш – ол барлық қазақстандық ҰОС жауынгерлеріне көрсетілген құрмет

Салнататты шараны ашу барысында, Елбасы барлық ардагерлер мен еліміздің тұрғындарын Отан қорғаушылар күнімен және Ұлы Жеңістің 70-жылдығымен құттықтады.

«Бұл ескерткiш Кеңес Одағының батыры Иван Панфиловқа ғана емес, бұл фашизмге қарсы соғысып, жер құшқан және елге оралып, Қазақстанның дамуына үлес қосқан барлық қазақстандықтарға берiлген құрмет», - деді  Президент.

Нұрсұлтан Назарбаев еске салып өткендей, Генерал-майор И.Панфиловтың басқаруындағы 316-шы дивизия Алматы облысында құрылған.

«Бұл дивизияның 28 панфиловшылары  соғыстың ең қиын сәтiнде Мәскеу маңындағы шайқасқа қатысқанын жақсы бiлесiздер. Құрамында Кеңес Одағының батыры Бауыржан Момышұлы бар 28 панфиловшылар Мәскеуге басып кiрмек болған фашистiк Германияның танктiк шабуылына қарсы тұрды. Сондықтан Панфиловтың есiмi Ұлы Отан соғысы кезiнде есте қалды және бiздер, қазақстандықтар есте сақтаймыз, құрметтеймiз», - деді Елбасы.

Сонымен қатар Қазақстан Президенті, бүгінгі басты құттықтаулар мен үндеулер соғыс ардагерлеріне арналған, деп атап өтті.

«Мемлекет қолынан келгенше сiздерге көмек көрсетіп, қолдап жатыр. Мен әрбiрiңiздi құттықтауға тырыстым және қазiр, ертең, әрдайым сiздерге құрмет көрсететiн боламыз. Өйткенi сiздер бұған лайықсыздар», - дедi Н.Назарбаев. 

Айта кетерлік жайт, Кеңес Одағыны батыры, генерал-майор Иван Панфилов ескерткiшiнiң авторы – мүсiншi Ренат Әбенов. Биiктiгi 2,5 метрдi құрайтын ескерткiш қоладан құйылған. Ескерткiштiң ортасында гүл шоқтарын қоюға арналған тақта орнатылған. Шығыс бетiндегi гранит тақтада Мәскеудi қорғау кезiнде қаза тапқан 28 жауынгер-панфиловшының аты-жөнi, туған және өмiрден өткен жылдары жазылған. Сонымен қатар, Кеңес Одағы батырының Алтын Жұлдызы медалi бекiтілген 28 стелла жасалды.