Отан қорғаушылар күні 800 алматылық жасөспірім ҚР ҚК-нің қатарын толықтырды

7 Мамыр, 2015 16:00

Алматыда Отан қорғаушылар күнін атап өту 28 панфиловшы-жауынгерлер атындағы паркте «Естелік вахтасы» әскери-патриоттық акциядан басталды, оның аумағында әскери техниканың, әскри киім мен қару-жарақтың көрсетілімі өтті.

Мерекелік шараға қала әкімі Ахметжан Есімов, ҰОС ардагерлері, қарулы күштер ведомсвтоларының қызметкерлері, әскери оқу орындардың студенттері мен қоғамдық ұйымдар қатысты, деп хабарлады қала әкімдігі.

Қатысушылар үшін Астананың «Қазақ Елі» алаңында өтіп жатқан әскери шерудің таратылымы LED-экраннан көрсетілді. Өз кезегінде әскери шеру еліміздің қорғаныс әлеуеті мен қуатын көрсетті.

«Мемлекет мүддесін қорғау қай заманда болсын ер азаматтың абыройлы міндеті болған. Елбасы Нұрсұлтан Назарбаев айтқандай, «Әскер – егеменді мемлекетіміздің сенімді қорғанысы. Ал, әскерде қызмет ету ол абыройлы міндет!», - деді Ахметжан Есімов.

Осы ретте шаһар басшысы атап өткендей, ҚР ҚК-ның қатарын көктемгі шақырылымда 800 алматылық жасөспірім толықтырды. Ахметжан Есімов оларды Отан қорғаушылар күнімен және алдағы Ұлы Жеңістің 70-жылдығымен құттықтап, әскери борышын абыроймен атқаруға тілектес екенін білдірді.

Барлық жаңалықтар