Мәскеудегі мерейтолық Жеңіс шеруіне Қазақстаннан алты ҰОС ардагері барады (ФОТО)
7 Мамыр, 2015 12:32
Астанадағы салтанатты шара аяқталған соң Астана, Алматы, Қарағанды, Павлодар және Алматы мен Оңтүстік Қазақстан облыстарынан келген ҰОС ардагерлері елордадан Мәскеуге мерейтойлық Жеңіс шеруіне аттанады, делінген ҚР Қорғаныс министрлігінің хабарламасында.
«Мені Астанадағы әскери шеруге шақырды, ол үшін өте қуаныштымын. Бүгін Жеңіс күнін елордада атап өтсек, 9 мамырда Мәскеудегі мерейтойлық шеруге қатысамыз. Ресейдегі шеруге Алматы облысынан жалғыз өзім бара жатырмын», - деді ҰОС ардагері Федор Федотов.
Сонымен, Астанаға шеруге Қазақстанның 14 облысы мен Алматы қаласынан 244 ҰОС ардагері келді. Олар Жеңістің 70 жылдығына арналған басты шараға және өзгеде жоспарланған салтанаттарға шықырылған.
Ботагөз Айтжанова
Суретке түсірген Азамат Әлиев
