Соғыста қиын болды, әйтседе Жеңіс біздікі екенін білдік – соғыс ардагері

«Соғысқа 18 жасымда шақырылдым. Мен украиналық майданда атқыштар дивизиясы танкіга қарсы батареяда бағыттаушы болып соғыстым, сонда жарақаттандым. Емделіп шыққан соң соғысқа қайта аттандым, алайда өзге полкта басқа мамандық бойынша жұмыс істетім. Онда жүріп соғыстың аяқталғанын білдік. Соғыста қиын болды, шыдадық, соған қарамастан Жеңіс біздікі екенін білдік», - деп ағынан жарылды М.Грибанов.

«1947 жылы әскерден қайттым. Медициналық институтқа оқуға түстім, Целиноградқа жұмыс істеуге бардым. Бүгін жерлестерімді, бізбен бірге соғысқан жауынгерлерді және әлі күнге дейін қасымызда жүргендерді Ұлы Жеңіс күнімен құттықтаймын», - деп толықтырды соғыс ардагері.

Естеріңізге сала кетейік, бүгін Астанаға Жеңістің 70 жылдығы мен Отан қорғаушылар күніне арналған әскери шеруге Қазақстанның барлық аймақтарынан ардагерлер шақырылды.

Ботагөз Айтжанова