Шымкентте Бадам өзені қалалық жағалауының құрылысы аяқталуға жақын
11 Қазан, 2013 17:36
Қараша айының соңына қарай Бадам өзеніндегі жағалаудың салтанатты ашылу рәсімінің өтуі жоспарлануда, деп Оңтүстік Қазақстан облысы әкімдігінің баспасөз қызметі хабарлады.
«Құрылыс 2013 жылдың мамырында басталған болатын. Ол ағымдағы жылдың 30 қарашасында аяқталуы тиіс. Қала аумағына кіретін өзен 9 шақырымды құрайды. Жобаның жүзеге асуы үшін бюджеттен 2 млрд теңге бөлінді», - деп хабарламада нақтыланған.
Жұмыс басталғаннан бері өзен жағасында 80 мың текше метр жер өңделіп, 761 мың текше метр төселді.
«Құрылысшылар өзеннің бағытын қалыптандырды, ескі бетон плиталарын алып, жағаны тегістеді», - деп әкімдік хабарлады.
