Ақтау теңіз портының қуаттылығы жылына 3 млн тонна жүкті құрайды – Скляр

6 Мамыр, 2015 12:04

Ақтау теңіз портын солтүстік бағытта кеңейту бойынша 3 жүк терминалының құрылысы жалғасуда, олардың жылдық қуаттылығы 3 млн тонна жүкті құрайды, деп хабарлады «Қазақстан Темір Жолы»ҰК»АҚ вице-президенті Роман Скляр ОКҚ-дағы брифинг барысында.

«Нұрлы жол» халыққа Жолдауында көліктік-логистикалық инфрақұрылымды қалыптастыру бойынша жобалар аталып көрсетілген. Қазіргі таңда «ҚТЖ» компаниясы бірқатар ірі инфрақұрылымдық жобаларды жүзеге асыруда. Олардың ішінде Ақтау теңіз портын солтүстік бағытта кеңейту бойынша 3 жүк терминалының құрылысы жобасы бар, оның жылдық қуаттылығы 3 млн тонна жүкті құрады. Бір терминалдың қуаттылығы 1,5 млн тонна болса, қалған екі жүкті ауыстырып тиеу терминалдарының қуаттылығы 1,5 млн тоннаны көрсетті», - деді Р.Скляр.

Сонымен, Ақтау теңіз портының қуаттылығы 18-ден 21 млн тоннаға дейін артып отыр.

Оның айтуынша, бүгінгі таңдағы барлық қажеттіліктер толығымен қамтамасыз етіледі.

«Бүгінде құрылыс монтаж жұмыстары жүруде. Жұмыс толығымен ағымдағы жылдың шілде айында аяқталады деп күтілуде», - деп толықтырды ол.

Ботагөз Айтжанова