• Басты
  • Астанада Жеңіс шеруіне еліміздің облыстарынан келген ардагерлер салтанатты жағдайда күтіп алынды (ФОТО)
6 Мамыр, 2015 12:08

Астанада Жеңіс шеруіне еліміздің облыстарынан келген ардагерлер салтанатты жағдайда күтіп алынды (ФОТО)

Астанаға Жеңістің 70 жылдығына арналған парадқа қатысу үшін Павлодар, Жамбыл, Қызылорда, және Қостанай облыстарынан Ұлы отан соғысының ардагерлері келді.
Астанада Жеңіс шеруіне еліміздің облыстарынан келген ардагерлер салтанатты жағдайда күтіп алынды (ФОТО)

«Мемлекет  басшысы  Жеңістің 70 жылдығына қатысты  - бұл еліміздің тарихында ұмытуға болмайтын Ұлы Жеңіс екендігін айтты.  Соның ішінде біз де, яғни білім беру саласының өкілдері де  өскелең ұрпақтың алдына сіздердің ерлік істеріңізді үлгі ете отырып, олардың ұмытылмауына күш салып отырмыз»,-деді ардагерлерді қарсы алу рәсімінде сөйлеген сөзінде Білім және ғылым вице-министрі Такир Балықбаев.

Ұлы Отан соғысының ардагерлерін салтанатты түрде перронда қарсы алынды. Жеңімпаздар үшін тап осы вокзал маңындағы алаңда кішігірім концерт ұйымдастырылды.  

«Сіздерге осындай қуанышты күндеріңіз көп болсын деп тілеймін, еліміз гүлденіп, сіздердің ерлік істеріңіз кейінгі жастарға үлгі бола берсін. Астанаға аман-есен жетулеріңізбен, мұнда өтетін мереке сіздерге жақсы көңіл-күй мен жағымды әсер қалдырсын деп тілеймін»,-деді вице-министр.  

Естеріңізге сала кетейік, елордада 7-9 мамыр аралығында 50-дан астам іс-шара өткізу жоспарланып отыр. Оның ішіндегі ең маңыздысы әскери парад. Жеңістің 70 жылдығына арналған әскери шеру мен өзге де іс-шараларға еліміздің 14 облысынан 244 ардагер шақырылған.  

Анар Тәңірқұлова

Суретті түсірген Азамат Алиев

 

Барлық жаңалықтар