2020 жылға дейін жалдамалы пәтерлердің көлемі 1,4 миллион шаршы метрді құрайды – А.Ибадуллаев
6 Мамыр, 2015 11:39
2020 жылға дейін жалдамалы пәтерлердің көлемі 1,4 миллион шаршы метрді құрайды,-деді «Қазақстандық несие компаниясы» несие ұйымы» акционерлік қоғамының Басқарма төрағасы Азамат Ибадуллаев Орталық коммуникациялар қызметінде өткен баспасөз-мәслихатында.
«2020 жылы пайдалануға берілетін тұрғын үй 1,4 миллион шаршы метрді құрайды, олардың 487 шаршы метрін біз биылғы жылы беруді жоспарлап отырмыз. Бүгінгі таңда ҚР Ұлтық қорынан тұрғын үйді салу мен сатып алу үшін 71 миллиард теңге бөлініп қойды»,-деді А.Ибадуллаев.
Оның сөзінше, ішінара құрылыстар «Бәйтерек девелопмент» акционерлік қоғамына беріліп, компания 12 миллиард теңгенің құрылыстарын жүзеге асыруда.
«Салынған барлық жалдамалы пәтерлер жергілікті атқарушы органдарда кезекте тұрғандарға беріледі. Кезекте тұрған азаматтардың тізімдерін әкімдіктер жоспарлайды, салынған үйлерді біз жергілікті атқарушы органдарға береміз, олар тарату жағын жоспарлайды»,-деді Басқарма төрағасы.
Ботагөз Айтжанова
