2015 жылы Қазақстанда 4 мың 600-ге жуық пәтер беріледі деп күтілуде
6 Мамыр, 2015 11:02
2015 жылы еліміз бойынша көлемі 262 мың шаршы метрді құрайтын 4 мың 600-ге жуық пәтер беріледі деп күтілуде, деді «Бәйтерек» ұлттық басқарушы холдингі» акционерлік қоғамының Басқарма төрағасы Қуандық Бишімбаев Орталық коммуникациялар қызметінде өткен баспасөз-мәслихатында.
«Мамырдың 6-ы күнгі мәліметтер бойынша, біздің тарапымыздан көлемі 306 мың шаршы метр болатын 5 мың 413 жалдамалы пәтер салу үшін қосымша келісім жасалды. Осы көлемнен 2015 жылы Астана, Алматы, Семей, Қостанай, Павлодар, Ақтөбе, Шымкент, Көкшетау, Тараз, Қызылорда және Талдықорған қалаларынан 4 мың 600-ге жуық пәтер пайдалануға беріледі деп күтілуде»,-деді Қ.Бишімбаев.
Оның сөзінше, 2016 жылға келісім жасалып қойды, 44 мың шаршы метр болатын 820 пәтер беру жоспарлануда.
«Бірінші жартыжылдықтың соңына дейін пәтердің дайын болуына орай Ақтөбе, Павлодар, Астана, Алматы, Аламты облыстары бойынша бөлу жоспарланып отыр»,-деді Басқарма төрағасы.
Ботагөз Айтжанова
