Алматы облысының 16 ардагері Астана мен Мәскеу қалаларында өтетін парадқа қатысады (Фото)
6 Мамыр, 2015 14:53
Бүгін Алматы қаласында Алматы облысының 16 ардагерін Астана және Мәскеу қалаларында өтетін Ұлы Отан соғысындағы Жеңіске 70 жыл толуына арналған шараларға шығарып салу рәсімі өтті, деп хабарлады облыс әкімдігі.
Шара барысында 3 ардагерге мемлекеттік наградалар тапсырылды. Атап айтқанда, Алакөл ауданының ардагері Рабат Тегісбаев «Құрмет» орденін, ілелік Тәңірберген Толғанбаев пен Сарқан ауданынан келген Берлібек Ысқақов «Ерен еңбегі үшін» медальдарын кеуделеріне тақты. Сонымен қатар өзге де ардагерлерге мерейтойлық медальдар табыс етілді.
Кездесу соңы ардагерлерді Астанаға жүретін поезға салтанатты жағдайда шығарып салу рәсімімен қорытындыланады.
Жетісулық екі ардагер - Сейітхан Исаев пен Солтанбай Жарықбасов мемлекеттік награданы Астана қаласында Елбасының қолынан алады деп күтілуде.
