• Басты
  • Астанада өткізілетін парадқа қатысу үшін ШҚО-дан 17 ардагер келді (Фото)

Астанада өткізілетін парадқа қатысу үшін ШҚО-дан 17 ардагер келді (Фото)

6 Мамыр, 2015 13:09
Өскемендіктер Ұлы Отан соғысы ардагерлерін Астана қаласында өтетін мерекелік парадқа салтанатты түрде шығарып салды, деп хабарлайды ШҚО Ақпараттық орталығы.

Астанаға шығарып салу салтанатында облыс әкімінің орынбасары Жақсылық Омар ардагерлерді мерекесімен құттықтап, қарттарға сәт сапар тіледі. Өз кезегінде соғыс ардагері Михаил Кравченко шығарып салушы қауымға жылы лебізін білдірді.

Шығысқазақстандық ардагерлер делегациясы Жеңістің 70 жылдық мерейтойына арналған ірі шараға аттанып барады. Мерейтой аясында Елордада Тәуелсіз Қазақстан тарихында ең ауқымды әрі ең айтулы – әскери шеру өткізілгелі отыр. Аталмыш шеруге Республика бойынша 5 мың әскери қызметкер, 230 соғыс машинасы мен 70 авиациялық техника қатыстырылады.

Өскемендіктер әуежайда аттанған ардагерлерді Елордадан 10 мамырда күтіп алмақ.

 

Барлық жаңалықтар