АҚШ Қазақстанның экономиканы әртараптандыруына қатысуға дайын – Дж.Керри
5 Мамыр, 2015 21:04
АҚШ мемлекеттік хатшысы Джон Керри Н.Назарбаевты ҚР Президенті болып сайлануымен құттықтады, деп хабарлады Ақорданың баспасөз қызметі.
Дж.Керри Нұрсұлтан Назарбаевқа ҚР Президентінің лауазымына тағайындалғанына орай жылы ықыласын білдірді.
«АҚШ Қазақстан халқы мен Үкіметімен қауіпсіздік, адам құқықтары демократиялық даму және тәуелсіз институттар, азаматтық қоғам саласында ынтымақтастық етуге мүдделі. АҚШ Қазақстанмен стратегиялық серіктес ретінде өңірлік және жаһандық қауіпсіздік салада қолдауға әзір, ядролық қарусыздану саласында қолғабыс көрсетуге дайын. Біз одан әрі Қазақстанмен экономиканы әртараптандыруға және экономикалық ынтымақтастық жүргізуге әзірміз», - делінген жеделхатта.
