Елбасы Қазақстанда мемлекеттік корпорация құруды ұсынды

«Мемлекет жоғары сапалы қызметтер көрсетуi тиiс. Осы мақсатта мен «Азаматтарға арналған үкімет» мемлекеттік корпорациясын құру мүмкіндігін ойластыруды ұсынамын. Бұл корпорация мемлекеттiк қызметтердiң бiрыңғай провайдерiне айналады», - деді отырыста Елбасы Нұрсұлтан Назарбаев.

Елбасы атап өткендей, атқарылмаған мемлекеттік қызметті қысқарту  қажет. Оны өзін-өзі реттеуші органдарға тапсыру қажет. «Әкімдікер мен меморгандар жанындағы қоғамдық кеңестің рөлін күшейту қажет. Бұл кеңестер міндетті тәртіпте стратегиялық жоспарлар мен бағдарламаларды жүзеге асыруда қоланылады. Мемлекет жоғары сапалы қызмет атқаруы тиіс. Осы мақсатта мен «Азаматтарға арналған үкімет» мемлекеттік корпорация құруды ұсынамын», - деді Елбасы.

Н.Назарбаевтың айтуынша, Қазақстан қолмен басқарудан қорытынды арқылы басқаруға көшуі қажет. «Бұл әдістің негізінде мемлекеттік аппараттың қарапайым жұмысы жатыр. Үкімет алдында мен нақты 5-6  индикаторды белгілеймін. Әр министр иен әкім алдында 2-3 тапсырма қойылады. Бақылау мен жеке тапсырмалар, қағазбастылықты жою қажет. Меморгандарға бостандық беру қажет. Олар жеке жұмыс істеу арқылы жауапкершіл әрі жылдам бола алады», - деді Президент.

Айта кетейік, бүгін Ақордада Елбасы Нұрсұлтан Назарбаевтың төрағалығымен Үкіметтің кеңейтілген отырысы өтуде.

Индира Кауметова