Астанада Ұлы Жеңістің 70 жылдығына орай «Нарындық партизан» атты кітаптың таныстырылымы өтті (ФОТО)

Кітапта автор Беларусь жерінде неміс-фашист басқыншыларымен шайқасқан майдангер-партизан Рахметолла Егізбаевтың ерлік жолдары туралы баяндайды. Бұл батыр ердің бейбіт өмірі мен оның туыстары, достары мен әріптестері туралы әңгіме.

«Оның ұлы Серік Рахметоллаұлы әкесінің жауынгер-партизан болғандығын айтып берді. Осыдан кейін мен кітап жазу қажет деп шештім. Әдетте соғыста болған аға буын ол туралы ашылып айта бермейді, олар көкірек қағып, батырлықтарын бәлсінбейді, өйткені олар өздерінің патриоттық парыздарын орындады. Рахметолла Егізбаев та солай. Ол 1939 жылы әскер қатарына Могилевск облысына шақырылып, 1941 жылы сол жерде соғысты қарсы алды. Бұдан соң ол партизандық қозғалыстарға қатысқан»,-дейді кітаптың авторы Б.Мұхамбеталиев.   

Кітап екі бөлімнен тұрады: «Мәліметтер тізбесі» мен «Ұмытылмас естеліктер». Бірінші бөлімде шығарма кейіпкерінің не өзі не замандастары жоқ болғандықтан автордың Беларусь мемлекетінің Ұлттық мұрағатынан жинаған партизандық қозғалыстары туралы айтылады. Р.Егізбаевтың құжаттарымен қатар кітапта  біздің жерлестеріміз болған «Чекист» отрядының қозғалыстары туралы материалдар бар. Екінші бөлімде Р.Егізбаев туралы естеліктер, оның соғыстан кейінгі өмірі мен оның елге оралған, яғни 1947 жылдардан бергі өмірі баяндалады.   

«Осы кітапты шығару үшін мен Беларуссияға барып, мұрағаттарда отырдым. Нәтижесінде міне, осындай кітап шықты. Оны жазу үшін 4 ай уақыт кетті. Кітаптың ерекшелігі – онда бір ғана адамның өмірі арқылы соғыс уақытындағы өмір мен тылдағы жағдай туралы жан-жақты баяндалады»,-дейді Баян Мұхамбеталиев.

Ескерте кетейік, кітап қазақ және орыс тілдерінде шықты. Оның қазақ тіліне аудармасын жазушы-публицист Маймұрат Тынымбаев жасаған.

Анар Тәңірқұлова

Фото Азамат Алиев