Қазақстанның тасымал көлемі әлеуетін 5 еседен астам көбейту мүмкіндігі бар - ҚР Президенті

«Қазақстанның тасымал көлемін 5 еседен астам көбейту әлеуеті бар. «Біз «Эйр Астананы» ірі халықаралық оператор ретінде жұмыс істетіп, ішкі жұмыс үшін екінші компанияны жасайтынымызды айтқанмын.  Алматы аймағынан жаңа халықаралық әуежай салу жағын ойлыстыруымыз керек»,-деп мәлімдеді Президент.

Елбасының айтуынша, қазіргі таңда бұл жұмысты жүзеге асырғысы келетіндер бар, сондықтан оларды қолдау керек.  

«Компанияның Орталық Азия мен Кавказ елдеріне және Моңғолияға сапарларын жиілету керек. Бұған қоса, Ньюй-Йорк, Токио, Сингапур сияқты негізгі қаржы орталықтарына жаңа бағыттар ашқан дұрыс»,-деді Мемлекет басшысы.

Елбасы әуе тасымалдарының үлкен әлеуетін жүзеге асыруымыз қажеттігін айтты. «Еуропа мен Азия арасындағы жүктердің әуе тасымалы бүгінде 4 миллион тоннаға жетеді, ал жолаушылар ағыны 53 миллион»,-деп қосты Ұлт Көшбасшысы.

Индира Кауметова