Н. Назарбаев Үкіметке ғылымды коммерцияландыру туралы заңды жасақтауды тапсырды

«Өндіріске инновацияны енгізуге ерекше ден қойындар. Үкіметке тезтедіп ғылымды коммерцияландыру туралы заңды жасақтауды тапсырамын.  Сіздер кейде Назарбаев университетінде боласыздар, ондағы зертханаларда не істеліп жатқанын байқаңыздар. Олардың барлығы өндіріске баруы тиіс», - деп мәлімдеді Елбасы.

Елбасының сөзінше, Astana Business Campus университетінің паркіне ғылыми орталықты, ірі шетелдік және жергілікті компанияларды тарту керек.

«Біз қазір университеттен соң өндірістік бөлікті құрудамыз, ал оны әрі қарай коммерцияға қалай береміз. Яғни осы университеттің студенттерінің барлығы ғылыми қызметкер болуға дайындалуда, олар ол жерден кетулері керек. Болашақтықтар да осылай етулері керек. Ол үшін жұмыс істеу керек. Егер бұған Үкіметтен арнайы құрылым қажет болса, оны құрайық»,-деді Н.Назарбаев

Естеріңізге сала кетейік, бүгін Ақордада Мемлекет басшысы Нұрсұлтан Назарбаевтың төрағалығымен Үкіметтің кеңейтілген отырысы өтуде.

Индира Кауметова