Н. Назарбаев: Мемлекеттік қызмет істері агенттігі еліміздің мемлекеттік қызметке мамандарды іріктеу бойынша бірыңғай орталығына айналуы керек

«Мемлекеттік қызмет істері және сыбайлас жемқорлыққа қарсы күрес агенттігі еліміздің мемлекеттік қызметке мамандарды іріктеу бойынша бірыңғай орталығына айналуы керек.  Бұл жаңашылдықтар шын мәнінде жемқорлықпен күрес жолындағы негізгі саясатымыз болады, бұл «Мемлекеттік қызмет туралы» жаңа заңда бекітілуі керек», - деді Н. Назарбаев.

Елбасының сөзінше, аталмыш заң барлық орган қызметкерлері үшін бірдей тарауы керек, соның ішінде құқық қорғау органдарына да.

«Мен мемлекеттік қызмет істері агенттігінің  жемқорлықпен күресте маңызды орган, маңызды агенттік болады деп айтқанмын, біз әлі оның қалай болатынын көреміз. Бұл Президент жанындағы, бұл осы комитеттің ішіндегі орган болады. Топтың қашан жұмыс істейтінін біз талқылауымыз керек»,-деп қосты Президент.

Естеріңізге сала кетейік, бүгін Ақордада Мемлекет басшысының төрағалығымен  Үкіметтің кеңейтілген отырысы өтуде.