ШҚО-да ардагерлер баспаналы болды (Фото)
7 Мамыр, 2015 10:28
Жеңістің 70 жылдық мерейтойына орай, Өскеменде 4 Ұлы Отан соғысы ардагеріне пәтер кілттері табысталды, деп хабарлайды ШҚО Ақпараттық орталығы.
Пәтер кілттері Ұлы Отан соғысына қатысқан Иван Попов, Иван Федоров, Макар Харин, Михаил Теруновқа берілді. Ардагер қарияларға баспана кілтін қала әкімі Темірбек Қасымжанов тапсырды. Қарияларға табысталған пәтерлер шаһардың көркем ауданы саналатын сол жағалауында орналасқан. Баспана кілттерімен қатар, ардагерлердің жұбайларына бағалы тұрмыстық техникалар табыс етілді.
« Елбасымыз Нұрсұлтан Назарбаев Отан үшін от кешкен ардагерлерді ешқашан ұмыт қалдырған емес. Мемлекет басшысының тікелей тапсырмасымен елімізде ардагерлерге зор қолдау көрсетіліп келеді. Ұлағатты ұрпақтың сіздерге деген алғысы шексіз. Әрдайым аман-есен мерейтойдан мерейтойға жете беріңіздер», – деді Т.Қасымжанов.
