ШҚО-да Индустриаландыру картасы аясында 53 инвестициялық жоба іске асырылған
11 Қазан, 2013 15:53
ШҚО-да Индустриаландыру картасы аясында құны 25 мыңнан астам жаңа жұмыс орнының ашылды, 651,8 млрд теңге болатын 53 инвестициялық жоба іске асырылған, деп хабарлайды облыс әкімдігінің баспасөз қызметі.
Ағымдағы жылы тағы 8 жобаны жүзеге асыру жоспарланған. Оларға 2,5 млрд теңгелік 4 нысан енгізіліп, 600-ден астам жұмыс орны ашылған.
Хабарламада айтылғандай, соңғы 3 жылда облыста экономикаға тартылған инвестиция көлемі 1,8 есеге өскен. Ағымдағы жылдың 8 айында өңір экономикасына 161,3 млрд теңге инвестиция құйылған. Бұл көрсеткіш былтырғымен салыстырғанда 20,7 пайызға артық.
Бөлшек саудадағы тауар айналымы 13,3 пайызға өсіп, 247 млрд теңгені құраған.
