Бригада командирлерінің орынбасарлары мен оған теңестірілгендерді атқаратын лауазымына сәйкестігі тексерілуде – ҚР ҚМ

6 Мамыр, 2015 09:42

ҚР Қарулы Күштерінің офицерлік құрамын аттестациялаудың үшінші кезеңі басталды. Оның аясында бригада командирлерінің орынбасарлары мен оған теңестірілгендердің атқаратын лауазымына сәйкестігі, бойындағы жауынгерлік, іскерлік, адамгершілік және жеке қасиеттерінің деңгейі тексерілді.

«Осы орайда батальон (дивизион) командирлері, олардың орынбасарлары мен оған теңестірілген офицерлерді аттестациялау аяқталған болатын. Тексеру нәтижелері бойынша барлық сынақтарды сәтті тапсырған әскери қызметшілерді жоғарғы лауазымға көтермелеу үшін резерв құрамына енгізіп, сонымен бірге ҚР Тұңғыш Президенті – Елбасы атындағы Ұлттық қорғаныс университетіндегі жоғарғы академиялық курсқа жолдауға ұсынылды», - делінген ведомствоның хабарламасында.

Аталып өткендей, осындай офицерлердің бірі 3-дәрежелі капитан Есенғали Байботаев болды. Аттестациялау комиссиясы тапсырған тестілеу нәтижелерін қарап оныңатқарып жүрген база бастығының орынбасары – 29011 әскери бөлімінің қару-жарақ бөлімшесінің бастығы лауазымына сәйкестігімен қатар 21814 әскери бөлімінің командирі жоғарғы лауазымына тағайындау туралы қорытынды шығарды.

Қазақстандық армияда аттестация ұдайы жүргізіледі. Ол еліміздің Қарулы Күштерінде әскери кадрларды сапалы іріктеуге және орналастыруға ықпал етіп, әскери қызметшілердің кәсіби деңгейін арттыруда одан әрі ынталандыру үшін қызмет етеді. Бүгінгі күнге дейін келіп түскен мәліметтерге сәйкес ҚР ҚК жалпы саны 31%-дан астамофицерлік құрам аттестациядан өтті.

Барлық жаңалықтар