5 Мамыр, 2015 11:31
Қазақстанның ауыл жастары «Нұрлы жол» мемлекеттік бағдарламасы аясында жұмыспен қамтылады
Ауыл жастары «Нұрлы жол» мемлекеттік бағдарламасы аясында жұмыспен қамтылады, деді «Қазақстан 2050» жалпыұлттық қозғалысы кеңесінің төрағасы Данат Жумин ОКҚ-дағы баспасөз конференциясында.
«Ағымдағы жылдың басында «Қазақстан 2050» қозғалысы «Қазпоштамен» бірлесіп ауыл жастарын «Нұрлы жол» мемлекеттік бағдарламасы аясында бой көтеріп жатқан нысандарға жұмысқа орналастыру бойынша жалпыреспубликалық жобаны ұсынды. «Қазпоштаның» ауылдық бөлімдерінде бағдарлама бойынша құрылысқа атсалысқысы келетін жастардан өтініш қабылдау ұйымдастырылды», - деді Д.Жумин.
Оның айтуынша, жобаны жүзеге асыру барысында еліміздің барлық аймақтарынан 3590 өтініш келіп түстіі.
«Қазіргі таңда біз өтініш берушілермен хабарласып жатырмыз. ҚР БҒМ бірлесіп жұмыс істеу механизмі жасақталуда, жастарды жұмысқа тарту «Жасыл Ел» желісі арқылы жүргізіледі,- деп толықтырды кеңес төрағасы.
Ботагөз Айтжанова
