Алматы облысында балалардың жазғы демалысын ұйымдастыруға 200 млн теңге бөлінді
5 Мамыр, 2015 20:42
Алматы облысында балалардың жазғы демалысын ұйымдастыру жұмыстарына жергілікті бюджеттен 204 млн. теңгеге жуық қаржы қарастырылды, деп хабарлады облыс әкімдігі.
Оның айтуынша, биыл қала сыртында 34 жазғы демалыс лагері жұмыс істейтін болады. Оған қоса ыстық тамақ ұйымдастырылған 402, тамақтану қарастырылмаған 383 лагерь, сондай-ақ шатырлы, спорттық және мектепішілік, пәндік демалыс орындары балаларға қызмет көрсетеді.
Жазғы демалысты ұйымдастыру екі бағытта - демалыс және сауықтыру бағыттарында жүргізілетін болады.
