• Главная
  • Жамбыл облысында жастар «Жеңіс үшін рахмет!» атты акция ұйымдастырды
6 мая, 2015 10:17

Жамбыл облысында жастар «Жеңіс үшін рахмет!» атты акция ұйымдастырды

Ұлы Отан соғысындағы Жеңістің 70 жылдығы қарсаңында Жамбыл облыстық Қазақстан халқы Ассамблеясы жанындағы «Ақ желкен» жастар лигасының мүшелері «Жеңіс үшін рахмет!» атты акция ұйымдастырды.
Жамбыл облысында жастар «Жеңіс үшін рахмет!»  атты акция ұйымдастырды

Жастар ардагерлердің үйлеріне барып, оларды Жеңіс күнімен құттықтап, сыйлықтарын табыстап, гүл шоқтары мен этномәдени бірлестік жастарының өз қолдарымен дайындаған құттықтау қағаздарын, Қазақстан халқы Ассамблеясы мен оның жастар лигасының эмблемасы бейнеленген альбомдар сыйлады. Жастар арасында аспаздық өнерден хабары бар бойжеткендер ардагерлерге арнап тәтті тағамдар дайындап, жеміс-жидектер алып барды, деп хабарлайды аймақтың ішкі саясат басқармасы.    

Жастар үш ардагердің үйінде болды. Олар: ҰОС ардагері Бертай Жаскеленов, Социалистік Еңбек ері Петр Гончаров пен Социалистік Еңбек ері және тыл еңбеккері Мария Бреусова болатын.   

«Ардагер азаматтар үшін бұл күтпеген қуанышты жаңалық болды. Жастар тірі тарихтың куәсі болды десе болады, себебі өздеріне ұсынылған сый-сыяпаттарды қабылдаған соң, ардагер азаматар соғыс жылдарындағы өмір мен сол уақыттағы халықтың тыныс-тіршілігі жөнінде әңгімелеп берді»,-делінген хабарламада.  

Әрбір ардагермен болған кездесу жастардың орындауындағы «Катюша» әнімен аяқталып жатты. Өткеннің естелігі болған әнді ардагерлер көздеріне жас ала отырып тыңдады.   

«Ардагерлердің өмір жолдарын ұмытпау маңызды. Біз ардагерлерді көзі тірісінде бағалай біліп, оларға қамқорлық көрсетіуіміз керек. Ең бастысы олар тірі кезінде Жеңіс үшін алғыс айтуымыз керек»,-деді жастар лигасының өкілі Дарья Бурмакина.

«Бүгінгі кездесулердан алған әсерлерді айтып жеткізу мүмкін емес. Бұл біздің ардагерлеріміздің көздеріндегі, қуаныш пен мұң. Егер біз осындай сәттерде ардагерлеріміз үшін көңіл серпілтетін, оларды қуантатын азғантай болса да іс жасасақ, біз үшін ол үлкен жестістік!. Олар бізбен бірге ән айтып, бізге жақсы тілектерін тілеп жатты»,-деп өздерінің  кездесуден алған әсерімен бөлісті «Ахыска» түрік этномәдени бірлестігінің төрайымы және «Ақ желкен» жастар лигасының өкілі Эульфия Фарманова.