• Басты
  • Қорғаныс министрлігінде ҚР Қарулы Күштеріндегі үздік рота командирлері наградталды (Фото)
5 Мамыр, 2015 09:37

Қорғаныс министрлігінде ҚР Қарулы Күштеріндегі үздік рота командирлері наградталды (Фото)

ҚР Қорғаныс министрі Иманғали Тасмағамбетов Астанада еліміздің Қарулы Күштеріндегі байқау қорытындысы бойынша үздік атанған он бес рота командирін наградтады, деп хабарлады Қорғаныс министрлігі.
Қорғаныс министрлігінде  ҚР Қарулы Күштеріндегі үздік рота командирлері наградталды (Фото)

Үстіміздегі жылдың басында ҚР Қарулы Күштерінде үздік рота командирі атағына жалпы әскери байқау өтті. Кәсіби шеберліктері мен командирлік қасиеттерін ҚР ҚК әскер тектері мен өңірлік қолбасшылықтардың офицерлері сарапқа салды.

Үздік рота командирі атағына үміткерлер мемлекеттік-құқықтық, атыс, дене, тактикалық және арнайы даярлықтар, әскери топография, қару-жарақ пен әскери техника бойынша білімдерінен сынақтарды сәтті тапсыруы тиіс болатын. «Он бес офицер түрлі мамандықтар бойынша «Үздік рота командирі» атағына лайық деп танылды. Баршаңыз өз кәсіби және жауынгерлік шеберліктеріңізді, Отан алдындағы лайықты қызметтеріңізді көрсете білдіңіздер.

 Дегенмен сіздер ең бастысы үздік командир ғана емес, өз жауынгерлеріңіз үшін нағыз тәлімгер сондай-ақ, бүкіл жеке құрамға үлгісіздер. Сіздерге қарап рота сап түзейді. Әр жауынгер сіздерді әскери борыш пен айбынның идеалы деп біледі.

Жауынгерлер үшін сіздер командир ғана емес армия сапындағы талап ете білетін, қажет кезінде қолдау көрсететін ең жақын адамсыздар», - деді салтанатты рәсімде ҚР Қорғаныс министрі.

 Осы орайда қорғаныс ведомствасының басшысы үш офицерге – аға лейтенанттар Мейірхат Бисатов, Ернар Қуанышқалиұлы және Евгений Пайға мерзімінен бұрын «капитан» атағын беріп, барлық он бес әскери қызметшіге грамоталар мен естелік сыйлықтар (командир сағаттарын) табыс етті.

 

Барлық жаңалықтар