Н.Назарбаев жасыл энергетиканы дамытуда Оңтүстік Корея тәжірбиесін қолдануды ұсынды

«Жасыл экономика бойынша біз тиісті бағдарлама қабылдадық. Министрдің маған баяндауынша, бұл жеке инвестиция есебінде орындалмақ. Осылай болса дұрыс болар еді, алайда соңғы уақыттарда осы мәселе жайлы менің сенімім әлсірей бастады», — деді Н.Назарбаев.

Елбасының айтуынша, Испания мен Франция үкіметі абай болуды кеңес еткен.

«Біз өте мол қаржыны тиімсіз жұмсап тастадық. Ескі энергия жүйесін орнатып, өзіміз қалаған нәрсеге қол жеткізе алмадық. Өз құнының төмен түсуі өте баяу жүруде. Міне, ол төмендеген кезде жаңа технология да болады. Сол кезде жасыл энергетика жұмыс істеуі мүмкін. Ал қазір ешқандай қарқынсыз өз бағытымен жүріп бара жатыр», - деді Елбасы.

«Қаппаров қарсы әрине, алайда жасыл экономиканың өзге де мәселелерімен де айналысу керек. Біз қаладағы қоқысқы қайта өңдемейміз, желіде өте көп мөлшерде энергияны жоғалтамыз. Бұл көрсеткіш бізде 22 пайыз. Еуроодақ елдерінде бұл 10 пайызды құрайды. Элекр жүйелерінде 14 пайыз, Қытай, Корея мен Жапонияда бұл көрсеткіш 5 пайыз. Оңтүстік Корея Президенті маған: «Бізге келіп зерттеңіздер. Сіздерде 20 пайыз шығын кетсе, бізде бұл көрсеткіш небары 5 пайыз ғана» дейді. Айырмасы 15 пайыз! Бұл деген қаншама көмір, қаншама элекр энергиясы. Бірнеше станцияны салмай-ақ қоюға болады. Міне, нағыз инновация», - деді Мемлекет басшысы.