Біз Президенттің бес институционалды реформасын қолдаймыз - «Болашақ» халықаралық стипендиясының иегерлері
«Құрметті Нұрсұлтан Әбішұлы! «Болашақ» халықаралық стипендиясының стипендианттары Сізді Қазақстан Республикасы Президенті қызметіне ресми түрде кірісуіңізбен құттықтайды! Біз Сіздің құрмет көрсету рәсімінде айтқан ұсыныстарыңыздың барлығын қолдаймыз! Олардың маңыздылығы айқын, себебі еліміз дамудың жаңа деңгейінің алдында тұр. Сіздің бес институционалды реформаңыз - Қазақстанның баршаға ортақ мақсатына жетудегі нақты қадам», - делінген үндеуде.
Аталып өткнедей, бұл халықтық реформаларды жастар үлкен ынтамен қабылдады. Себебі, қазақстандық мемлекеттілікті нығайтуға арналған шаралардың барлығы жастарға жағдай жасауға бағытталған.
«Заманауи, кәсіби мемлекеттік аппаратты жасақтау, заң үстемділігін қамтамасыз ету, экономикалық реформалар кешені экономикалық бағдарламалардың сапалы жүзеге асырылуын қамтамасыз етеді, еліміздің бәсекеге қабілеттілігін арттырады және ел ынтымағын нығайтады. Бүгінде біздің әрқайсымыз өз әлеуетімізді, білімімізді, өз батыл идеяларымызды көрсете алатынымызға сенімдіміз», - деп баса айтылған үндеуде.
