БҰҰ Бас хатшысының орынбасары Ш.Ахтар Елбасын сайлаудағы жеңісімен құттықтады
4 Мамыр, 2015 16:05
Нұрсұлтан Назарбаевқа оның Қазақстан Президенті болып сайлануына байланысты БҰҰ Бас хатшысының орынбасары – ЭСКАТО-ның атқарушы директоры Шамшад Ахтардың атынан құттықтау келіп түсті, деп хабарлады Ақорданың баспасөз қызметі.
Ш.Ахтар Нұрсұлтан Назарбаевты Қазақстан Республикасының Президенті лауазымына қайта сайлануымен құттықтады.
«Біздің комиссия мен Қазақстан арасында өзара іс-қимылдың ұзақ әрі жемісті тәжірибесі бар. Мен Сізге осы жылдар ішіндегі тығыз ынтымақтастық үшін алғыс айтқым келеді. Қазақстанның энергетика және қоршаған орта сияқты негізгі салалардағы көшбасшылығы болашақта да жалғаса беретіндігіне сенімдімін. Комиссия Сіздің елдің осы бағыттағы күш-жігерін қолд ауға дайын», – делінген жеделхатта.
