СҚО-да өнеркәсіп өндірісінің 65,5 пайызы қайта өңдеу өнеркәсібіне тиесілі
4 Мамыр, 2015 17:56
Солтүстік Қазақстан облысында өнеркәсіп өндірісі көлемінің 2015 жылдың қаңтар-наурызындағы нәтижелері бойынша 65,5 пайыз үлес қайта өңдеу өнеркәсібіне тиесілі болып отыр, деп хабарлайды облыстық статистика департаменті.
Бұған қоса, 26,9 пайыз өндіріс пен электр энергиясына, газ бен жылу энергиясы өндірісіне тиесілі. 4,4 пайыз сумен қамтамасыз етуге, кәріз жүйелері мен қалдықтарды жинауға қатысты, тек 0,5 пайызы ғана тау-кен өндірісінің үлесінде.
Естеріңізге сала кетейік, қайта өңдеу құрылымында азық-түлік үлесі 67,3 пайызды, машина құрылысы 20, дайын метал өнімдері 4,4, резина және пластмасса өнімдері 2,9 пайыз, қалғандарына 5,2 пайыз тиесілі.
Өнеркәсіп өндірісі бойынша, Петропавл қаласы өзгелерден озық тұр, бұдан кейін тиісінше, Ғ.Мүсірепов, Тайыншы, және Қызылжар аудандары тұр.
