Әскери қызметшілер Жеңіс эстафетасын Қазақстанның қалаларында алып өтті
Ресей Федерациясының әскери қызметшілеріненқабылданған Жеңіс эстафетасыеліміздің шығыс өңірі арқылы Қазақстанның түрлі қалаларынан қатысушы әскери қызметшілерге салтанатты түрде беріліп отырды.
Осы орайда эстафета он екі күн ішінде Өскемен, Астана, Алматы және Тараз қалаларында болды. Іс-шараның соңы «Қордай» өткізу пунктінде (Жамбыл облысы) эстафетаны Қырғыз Республикасыныңәскери қызметшілеріне табыс етумен аяқталды. Жеңіс эстафетасы жүріп өткен жолда орналасқан елді мекендердің тұрғындары қатысушыларды қуана қарсы алып жатты.
Эстафета жүріп өткен жерлерде мерекелік іс-шаралар, концерттер ұйымдастырылды. Жеңіс эстафетасы – Қазақстан, Қырғызстан және Ресей әскери қызметшілерін біріктірген ауқымды оқиға.
Бұл өскелең ұрпаққа Ұлы Отан соғысындағы батыр бабаларымыз жасаған ерліктідәріптеу, сондай-ақ біздің бейбіт болашағымыз үшін сұрапыл соғысты бастан кешкен ҰОС ардагерлеріне тағзым ету болып табылады.
