ИИДМБ: Жамбыл облысында химия зауыты өндірісті сәтті жалғастыруда
4 Мамыр, 2015 12:38
Жамбыл облысының Талас ауданында 2014 жылдан бастап, құны 12 900 миллион теңге болатын алтын өндіретін кәсіпорындар үшін реагенттер шығаратын химия зауыты жұмыс істеп келеді.
Аталмыш зауыт жылына 15 тоннан натрий цианидін және 5 мың тонна амоний сульфатын шығарады.
Ішкі саясат басқармасының хабарлауынша, кәсіорынның жеке қаржысы 45,5 пайызды құрайды, қалған 54,5 пайызы заем.Нысанның құрылысы жүріп жатқан кезде 873 адам жұмыспен қамтылған. Еысан іске қосылған соң оған 400 адам жұмысқа кірді.
«Бизнестің жол картасы - 2020» бағдарламасы бойынша банк несиелерінің сыйақы ставкаларын субсидиялау 4,5 миллиард теңгені құрады. Бұл ретте ішкі саясат басқармасының мәліметтері бойынша, инфрақұрылым жүргізу 1,74 миллиард теңгені құраған.
Бұған қоса «2012-2020 жылдары моноқалаларды дамыту» бағдарламасы бойынша, банктердің несиелерінің сыйақы ставкаларына 744 миллион теңге бөлінген.
