Индустриаландыру бағдарламасы бойынша проблемалық жобалар 2 есеге қысқарды- ИЖТМ

11 Қазан, 2013 12:20

ҚР Президенті Нұрсұлтан Назарбаевтың қатысуымен өтіп жатқан ел дамуының тоғыз айдағы әлеуметтік-экономикалық қорытындыларына арналған үкіметтің кеңейтілген отырысында ҚР Премьер-министрінің орынбасары – Индустрия және жаңа технологиялар министрі Әсет Исекешев мәлім етті деп BNews.kz. хабарлады.

«Бізге проблемалы жобалар бойынша тапсырмалар жүктелген болатын. Бір жыл бұрын олардың саны 35 болған, бүгін олардың саны 20 жобаға жетті, өнімге жіберілгендер саны 14 жоба, яғни 2,5 пайыз. Аймақтардың әкімдіктерімен жұмыс жүргізілуде. Ағымдағы жылы 130 жоба енгізіліп, 13 мың жұмыс орны ашылады», - деді Исекешев.

Оған қоса, ол елдің индустриалды дамуы бойынша бірқатар жетістіктерді атап өтті. Өндіріс саласының саны 4 жыл ішінде 85 мың адамға өсіп, өндірісте 1 млн 50 мың адамды құрады.

«Өндірістегі еңбек көрсеткіші Ресейге қарағанда 2 есеге, Украинаға қарағанда 5 есеге өсті. Әрбір жұмысшыға 37 мың доллардан 62 мыңға дейін көтерілді. Қайта өңдеу өндірісі 4 жыл қатарынан өсуде», - деп министр атап өтті.

Исекешев атап өткендей, индустриаландыру бағдарламасы әлеуметтік-экономикалық салада үлкен жетістіктер көрсетуде.