Түрік әуестаттары Елбасы Нұрсұлтан Назарбаевтың сайлаудағы жеңісін ерекше атап өтті (Фото)

4 Мамыр, 2015 15:34

Қазақстан Президенті Нұрсұлтан Назарбаевтың жалпы халықтық сайлаудағы жеңісінің құрметіне Невшехир провинциясындағы әлемге әйгілі «Каппадокия» туристік ривьерасында ҚР Президенті бейнесі, қазақстандық және түрік тулар салынған құттықтау плакаты тіркелген әуе шарлары (әуестаттар) аспанға көтерілді, деп хабарлады ҚР СІМ.

Әуестаттың әуеге шығарылуы Елбасының жеңісінің құрметіне және 1 мамыр Қазақстан халқының бірлігі күнін атап өту аясында жүзеге асырылды. Бұл әрекетті баспасөз өкілдері, жергілікті және шетел туристері тамашалады.

Әуестаттың түрік ұшқышы Хаккы Йылдыз бауырлас елге құрметін білдіріп, қазақстандықтарды Президент Н. Назарбаевтың сайлаудағы жеңісімен қазақ тілінде құттықтап, бауырлас халқына гүлденуді, тұрақтылық пен бейбітшілікті тіледі.

Каппадаокия өзінің бірегей табиғатымен және ежелгі ғимараттарымен әйгілі, ал «Гөреме» ұлттық паркі UNESCO-ның дүниежүзілік мұрасы тізіміне енген. Туристер арасында әуе шарлары Каппадокияның тарихи аумағын зерттеуге ең танымал әдіс болып табылады.

Невшехир провинциясының басшылығы мен тұрғындарының Қазақстанға және Елбасымызға ниеті түзу. Қалада «Қазақстан Президенті Нұрсұлтан Назарбаев» атындағы даңғыл, «Қазақстан» бульвары, «Қазақстан және Түркия достығы» Паркі, сонымен қатар «Невшехир» университетінде «Қазақстан» аудиториясы ашылған.

Барлық жаңалықтар