М.Папп: Институционалды реформалар Президенттің көрегендігі мен стратегиялық тұрғыда ойлайтындығын көрсетеді
«Бүгінгі таңда елімізде тұрып жатқан кез-келген қазақстандықтың өзінің әлеуетін жүзеге асырып, Отанының болашағы жолында қызмет етуге толық мүмкіндігі бар. Мемлекет басшысының институционалды реформаларының ішінде Алматыға баса маңыз берілген. Бұл жерден қаржы орталығын салып, оны заң жүзінде бекіту мегаполистің инвестициялық тартымдылығын арттырып, Еуразиялық экономикалық одақтың тиімді жүзеге асырылуына ықпал етеді. Ол әрине, шағын және орта бизнестің өркендеуіне жол ашып, көрсетілетін қызметтердің сапасын арттырады. Мемлекет басшысы көтеріп отырған аталмыш саланы қолдау бағытындағы тетіктер одан әрі дамуға оң әсерін тигізері сөзсіз»,-деді М.Папп.
Оның сөзінше, Елбасының институционалды реформалары туризм саласының да дамуына даңғыл жол салады.
«Президентіміздің халықаралық деңгейдегі мәртебесінің зор болуы – мемлекеттің барлық саласының қарқынды дамуына жақсы жағдай қалыптастырады. Институционалды реформалардың тап осы кезде жүзеге асырылуы дер кезінде қолға алынған әрі маңызды шара»,-дейді этномәдени бірлестік төрағасының орынбасары.
