• Басты
  • Астанада Қазақстан халқының бірлігі күні тойланды (Фото)

Астанада Қазақстан халқының бірлігі күні тойланды (Фото)

1 Мамыр, 2015 14:45
Астанада “Қазақ елі” монументі алаңында “Нұрлы жол-жеңіс жолы” меркелік шарасы өтті, шараға Елбасы Нұрсұлтан Назарбаев қатысты.

Қазақстан Президенті қазақстандықтарды мерекемен құттықап, сайлау кезінде қазақстандықтар бірлігі мен бейбітшілігін көрсеткенін атап өтті.

«Бірлік пен көпұлтты халықтың тұрақтылығының арқасында, Қазақстан толағай табыстарға жетті. Алда тұрған міндеттерді орындау үшін бірлігімізді сақтау қажет», - деді Н.Назарбаев.

Еске сала кетейiк,  1 мамыр - Қазақстан халқының бiрлiгi күнi. 1 Мамыр мейрамы елімізде ұлттар мен ұлыстардың достығы мен татулығының, азаматтық келісімнің , еліміздегі 130-ға тарта халықтардың ауызбірлігінің жарқын көрінісіне айналды.

Бұл күндері Астана мен Алматыда, барлық облыс орталықтары мен аудан-ауылдарда қазақстандық толеранттық пен ынтымақтастықты, жарастықты тату тірлікті паш еткен шерулер мен фестивальдар, елімізді мекендейтін барлық ұлттардың этномәдени  бірлестестіктерінің ұйымдастырумен басқа да мәдени шаралар, спорт жарыстары өтеді.

Астана қаласы Мәдениет басқармасының хабарлауынша, 1 мамырда қалада түрлі деңгейдегі 200 астам шара, соның ішінде 35 ірі мәдени шара өтпек.

 

Барлық жаңалықтар