Р.Пак: Президенттің реформалары- Қазақстанның сәтті дамуындағы ерекше қадам
2 Мамыр, 2015 12:36
Президенттің реформалары Қазақстанның сәтті дамуындағы ерекше қадам, деді Астана қаласының корей халқының этномәдени бірлестігі төрағасының орынбасары Роза Пак.
«Астана қаласының этномәдени ұйымдары институционалдық реформалардың өзектілігі мен маңыздылығын түсінеді. Қазақстан салиқалы, сабдар саясаттың арқасында - бітімгершілік бастамалар мен экономикалық реформалардың түйіні. Біз Елбасы ұсынып отырған халықтық реформалар мемлекеттік қызмет, индустрияландыру, заң қабылдауда жаңа табыстарды бағындыруға мүмкіндік беретініне сенімдіміз», - деді ол.
Оның ойынша, 100-ден артық этностың басын қосып, бірлікте өмір сүріп отырған қазақстандық саясат – басты құндылық.
«Бүгінде Қазақстанның этникаралық келісімінің нығаюы тәжірибесі әлем бойынша үздіктердің бірі. Халықтық реформалар барысында елдің бірлігі мен бейбітшілігі жеке ұлттық жүйе аясында дамитын болады», - деді ол.
