Ұлттық ұланның Ән-би ансамблі «Алпамыс батыр» музыкалық-хореографиялық қойылымын сахналады
2 Мамыр, 2015 15:07
Қазақ хандығының 550 жылдығын мерекелеу шеңберінде ІІМ-нің клубында «Алпамыс батыр» қазақ халық эпосы музыкалық-хореографиялық қойылым ретінде сахналанды, деп хабарлады ҚР ІІМ.
Бұл іс-шараның идеялық мазмұны – өз халқының ерлік істерін ұлықтау, бірлікті нығайту, өскелең ұрпақты патриоттық рухта тәрбиелеу және ел тағдырына деген жауапкершілікті арттыруға негізделген.
Қазақстан Республикасы Ұлттық ұлан Ән-би ансамблінің ұйымдастыруымен сахналанған қойылымға Қазақстан Республикасының еңбек сіңірген қайраткері Рахметжан Шамұратов және қоюшы-режиссер Қазақстан Республикасының еңбек сіңірген қайраткері Гүлнәр Ғаббасовалар жетекшілік етті.
40 минутқа созылған спектакльді ҚР Ішкі істер министрлігі мен ҚР Ұлттық ұланының жеке құрамы және олардың отбасы мүшелері мен бүлдіршіндер тамашалады.
