Әскери парадқа қатысатын әскери техниканы Астананың мектеп оқушылары көрді (Фото)

2 Мамыр, 2015 15:42

Бүгін елордалық оқушыларға қуатты әскери машиналардың ішіне кіру, танкпен қыдыру, қазақстандық армияның қару-жарағы мен әскери техникаларының үлгілерін көзбен көру мүмкін болды, деп хабарлады Қорғаныс министрлігі.

Қалалық жалпы білім беру мектептерінің бастапқы сынып оқушылары Астана маңындағы «Сороковая»бекетіндегі шатырлы лагерге саяхат жасады. Осы орайда балалар лагерде орналасқан далалық асхана, медициналық пунктің жұмысымен танысып, далалық жағдайдағы әскери қызметшілердің өмірі және олардың күнделікті жұмыс тәртібімен танысты.

Далалық қалашықта өрістетелген ауқымды әскери техника мен қару-жарақ паркі оқушылардың ерекше қызығушылығын тудырды. Бұл жердегі Т-72 танкі, БМП-2 жаяу әскерлер әскери машинасын, БТР-82 борнды транспортерлерді, зеңбіректі-зымырандық кешенді және көптеген басқа да нұсқаларды балалар алғаш рет көріп отыр.

Қазіргі кезде Ұлы Отан соғысындағы Жеңістің 70 жылдығына арналған ҚР Қарулы Күштерінің тарихындағы ең ауқымды әскери парадқа қатысу үшін Қазақстанның түрлі өңірлерінен Астана қаласына келген ҚР ҚК 4 000-нан аса әскери қызметшілері шатырлы лагерде тұрып, даярлықтан өтуде.

Барлық жаңалықтар